حوزہ نیوز ایجنسی کی رپورٹ کے مطابق، لبنان کے ممتاز جعفری مفتی اور معروف عالم حجت الاسلام شیخ احمد قبلان نے لبنان کے صدر جنرل جوزف عون اور لبنان کی سیاسی طاقتوں کے نام جاری ایک پیغام میں کہا: آج جو کچھ ہو رہا ہے وہ لبنان کی حاکمیت کو ان افراد کے حوالے کر رہا ہے جنہوں نے اسے واشنگٹن اور تل ابیب کے ہاتھوں میں ایک سیاسی اثاثہ اور سیکیورٹی تحفہ بنا دیا ہے۔
انہوں نے مزید کہا: اس سلسلے میں، دہشت گرد اسرائیل کے خلاف ایران کی جنگ، وہی لبنان کی جنگ ہے اور اس کے اہداف کی نوعیت لبنان کے قومی مفادات کے مرکز میں ہے۔ ہم اس جنگ میں ایران کے ساتھ ہیں اور اس میں شریک ہیں۔ جو بھی اس قومی حقیقت سے متفق نہیں ہے، اس نے اپنے وطن سے غداری کی ہے اور اس سے بڑھ کر کوئی غداری نہیں ہے جتنی کہ شرمناک حاکمیت کی غداری ہے جس نے لبنان کا سر صیہونی واشنگٹن کی میز پر رکھ دیا ہے۔
حجت الاسلام شیخ احمد قبلان نے کہا: کچھ لوگ دیر ہونے سے پہلے بیدار ہو جائیں کیونکہ ہم لبنان کو صیہونیوں، ان کے ایجنٹوں اور ان کے میڈیا کے شوروغل کے سپرد نہیں کریں گے۔ ہم نے اس حاکمیت کو جو لبنان کی آزادی بیچنے کی وسوسہ میں مبتلا ہے، کہہ دیا ہے کہ دنیا اتحادوں کی دنیا ہے اور اتحاد قومی عقائد میں ہم آہنگ ہوتے ہیں۔ لبنان صرف ان اتحادوں پر انحصار کرتے ہوئے قائم رہ سکتا ہے جو اس کی حاکمیت کو اسرائیلی طغیان کے خلاف ضمانت دیتے ہیں۔ وہ اسرائیل جو لبنان کے وجود کو ہی نگلنے کا ارادہ رکھتا ہے۔
انہوں نے کہا: موجودہ حاکمیت اور اس کے اختیارات، لبنان کے ساتھ ایک مفت شکار کے طور پر برتاؤ کر رہے ہیں جس میں ایک گندے پراکسی کھیل کا طریقہ کار اپنایا جا رہا ہے۔ ایران ایک بڑا ملک ہے اور لبنان کی قومی حاکمیت کا بہت وفادار ہے جبکہ امریکہ ایک عالمی طاعون اور لبنان اور اس کی حاکمیت کا کٹر دشمن ہے۔ امریکہ سے وابستہ سیاسی ٹیم کو قومی اور سیاسی غداری کے کھیل سے روکا جانا چاہیے۔
لبنان کے ممتاز جعفری مفتی نے کہا: جو قومی امانت میں خیانت کرے گا، اس کے لیے کوئی امان نہیں ہے۔ اس حاکمیتی مساوات کے ساتھ جو ایران نے پیش کی، دنیا پر یہ واضح ہو گیا کہ لبنان کی حاکمیت صرف بیروت ہی نہیں، ایرانی ریڈ لائن ہے۔ یہ اس وقت ہے جب (لبنان کا) موجودہ تسلط لبنان کو صیہونی بنانے کے منصوبے کا اسیر ہے۔
انہوں نے کہا: جو کوئی یہ سمجھتا ہے کہ دہشت گرد اسرائیل بہتر ہے تو وہ وہیں چلا جائے اور لبنان کو اس کے عوام اور اس کے قومی ایثار کرنے والوں کے لیے چھوڑ دے۔ یہ سرزمین اور قومی محاذ اس خائن تسلط کو مسترد کر دیں گے اور لبنان کو صیہونی بنانے کی طرف اٹھایا جانے والا ہر قدم اس ملک کو آگ میں دھکیلنے کا باعث بنے گا۔
آپ کا تبصرہ